Банк тууралуу

Уюштуруучусу

Мерсико "Компаньондун" жападан жалгыз уюштуруучусу жана ээси болуп саналат. Адамдардагы теңсиздикти жеңе ала турган мүмкүнчүлүктөрүн ойготуу максатында, Мерсико тымызын кырсыктар, тирешүүлөр, көнүмүш жакырчылык жана туруксуздук болгон жерлерде иш алып барат. 1979-жылдан тарта өзүнүн АКШ жана Европадагы штаб-квартирасынын колдоосу астында, Мерсико дүйнөнүн 108 өлкөсүндөгү адамдарга жардам иретинде 1,7 миллиард АКШ доллары көлөмүндөгү каражаттарды жумшады. Ушу тапта Мерсико 35 өлкөдөгү, болжол менен, 16,4 миллион адамга жардам көрсөтүү менен, бүткүл дүйнө боюнча 3500дөн ашуун кызматкердин башын кошуп турат.

Мерсико коомчулугу тымызын кырсыктар, тирешүүлөр, көнүмүш жакырчылык жана туруксуздук, экономикалык башаламандык кесепеттери менен күрөшүп жаткан өлкөлөрдө иш алпарат. Мерсико өзү түзүлгөндөн берки тарыхында бардык турмуш кыйынчылыктарына карабай жаңычылдыкты, аргандай өзгөрүүлөргө чапчаң, тез ык алуусун көрсөтүп келет. Кайрымдуулук корпусу адамдарга ишенимдүү, өнүмдүү жана акыйкат коомду куруу аракетине колдоо көрсөтүү менен кыйынчылыктарды, жакырчылыкты жана кысымдарды жеңүүгө үндөйт.

Кайрымдуулук корпусу жана анын ишмердүүлүгү жөнүндө толук маалыматты Мерсиконун www.mercycorps.org веб-сайтынан таба аласыздар.