Социалдык миссиясы бар банк

Биз айыл чарбасын өнүктүрүүгө, рыноктук байланыштарды чыңдоого жана жамааттардын экономикалык потенциалын жогорулатууга багытталган иш-чараларды дайыма өткөрүп турабыз.

• Корпоративдик социалдык жоопкерчилик (КСЖ). Биз аң-сезимдүү кайрымдуулукка, айлана-чөйрөнү коргоого, адамдарга инвестициялоого, керектөөчүлөрдүн жоопкерчилигинин жогорку стандарттарын сактоого жана жергиликтүү өз алдынча башкаруу органдары жана жамааттар менен өнөктөштүккө умтулабыз.

• Алма фестивалы. Бул 2006-жылдан бери Банк тарабынан жыл сайын өткөрүлүүчү иш-чара, анда ишкерлер сатып алуучулар менен жолугуп, жаңы мөмө-жемиштерди, кол өнөрчүлүктү, кондитердик азыктарды жана башкаларды тартуулайт. Ошондой эле фестивалда Компаньон Банкынын агрономдорунан кеңеш алуу мүмкүнчүлүгү бар.

Биз адамдардын бардык топтору үчүн ар түрдүү финансылык кызматтарга тең укуктуу жеткиликтүүлүктү камсыз кылуу аркылуу өлкөнүн инклюзивдик экономикалык өсүшү үчүн мүмкүнчүлүктөрдү түзүүгө умтулабыз. Биз үчүн коомдун каржы түшүнүгүн жогорулатуу жана адамдарга акылдуу финансылык чечимдерди кабыл алуу үчүн керектүү көндүмдөрдү үйрөнүүгө жардам берүү маанилүү. Ошондуктан биз финансылык жана санариптик сабаттуулук боюнча тренингдерди өткөрөбүз.

• Финансылык сабаттуулукка үйрөтүү үй-бүлөлүк бюджетти пландаштырууну, күтүлбөгөн чыгымдарды эсепке алууну, үнөмдөө мүмкүнчүлүктөрүн баалоону жана финансылык максаттарга этап-этабы менен жетүүнү камтыйт.

• Санариптик сабаттуулук боюнча тренинг биздин кардарларга онлайн коопсуздуктун негиздерин өздөштүрүүгө жана онлайн алдамчылыктан коргонууга жардам берет.

Агрономиялык жана мал чарба адистигин жогорулатууга багытталган айыл чарба тренингтери.

• «Эко-бакча» демилгеси. Мөмө-жемиш бактарын багуу, жаңы бакчаларды отургузуу, түшүм жыйноо жана сактоо, ошондой эле жер төлөлөрдү куруу жана жер семирткичтерди колдонуу боюнча маалымат беребиз. Тренингдер ошондой эле финансылык сабаттуулук жана туура тамактануу боюнча маалыматты камтыйт.

• Мал чарбасын башкарууну өнүктүрүү демилгеси (УДС). Малды алгандан тартып өмүрүнүн акырына чейин багуу, анын ичинде жугуштуу жана мите ооруларынан сактануу, малды багып, бордоп семиртүүнү үйрөтөбүз.

• Агроконсультациялар. Биз кардарларыбызга айыл чарба кеңештерин, акчаны кантип үнөмдөө жана келечекке инвестиция салуу боюнча брошюраларды жана баракчаларды беребиз.