Банк жаңылыктары

​2022-жылдын 15-майында Компаньон Банкынын спорттук командалары бир учурда бир нече спорттук турнирлерге катышты: волейбол боюнча банк аралык турнир, футзал боюнча банк аралык турнир жана КРдагы Америкалык Соода палатасынын мүчөлөрү арасындагы мини-футбол боюнча кайрымдуулук турнири.

Спортчулар Компаньон Банкына мыкты жыйынтыктарды алып келди.

Он үч финансы-кредиттик мекеме жана КРУБ командалары катышкан волейбол боюнча банк аралык турнирде Компаньон Банкынын Нарын филиалынын командасы 2-орунду ээледи. Команда КИКБ, Бай Түшүм, АКБ Кыргызстан жана Оптима-Демир Банк, КРУБ-Финка курамалары менен ойногон.

​Белгилей кетсек, Компаньон Банкынын волейболисттери гана эмес, күйөрмандары дагы “Күйөрмандардын эң мыкты командасы” дипломуна ээ болуп, өзгөчөлөнүштү.​

​Ал эми Ош шаарында футзал боюнча июндун ортосуна чейин улана турган банк аралык турнирдин биринчи туру болуп өттү. Компаньон Банкынын Өзгөн шаарынын жана Ош филиалынын курама командалары “Азия Банкы – Капитал Банк” курамасын 5:2 эсебинде утуп алды. Жалпысынан турнирге 12 команда катышкан.

​Компаньон Банкынын спортчулары КРдагы Америкалык Соода палатасынын мүчөлөрү арасындагы мини-футбол боюнча кайрымдуулук турнирин дагы көңүл сыртында калтырышкан жок. Аталган турнир мүмкүнчүлүгү чектелген балдарга билим берүүчү “СезимТал” инклюзивдүү билим берүү мектебине каражат топтоо максатында уюштурулган.​