Мындан ары Россиядагы жакындарыңызга ашыкча убарасыз акча жөнөтсөңүз болот. "Компаньон" мобилдик тиркемесинде телефон номери же картанын номери боюнча Сбербанкка которуулар жеткиликтүү.
Которууну жүзөгө ашыруу үчүн кардар "Компаньон" мобилдик тиркемесинин колдонуучусу тарабынан идентификацияланышы зарыл. Которууну жөнөтүү үчүн төмөнкү кадамдарды аткаруу жетиштүү:
- "Компаньон" тиркемесинде "Төлөмдөр" бөлүмүн ачуу жана "Финансылык кызматтарды", андан кийин "Чет өлкөлүк банктарды" тандоо.
- "Телефон номери боюнча Сберге которуу" же "Картанын номери боюнча Сберге которуу" кызматтарынын бирин тандоо.
- Алуучунун телефон номерин (7хххххххх форматында) же картанын номерин (16 орундуу) киргизүү.
- Которуунун суммасын көрсөтүү. Кардарга ыңгайлуу болушу үчүн дароо сом жана рубль менен сумманы киргизсе болот.
- Киргизилген маалыматтарды текшерип, төлөмдү ырастаңыз.
Которуу акысы төлөмдүн 1% түзөт жана аны жөнөтүүчү төлөйт. Төлөм карталарын толтуруу кызматы кардарларга күнү-түнү жеткиликтүү. Картага каражаттар дароо түшөт, бул алуучуларга каражаттарды токтоосуз пайдаланууга мүмкүндүк берет.
Кыргыз сомунан (KGS) орус рублине (RUB) которууда конвертация транзакция учурундагы Компаньон банкынын курсу боюнча автоматтык түрдө ишке ашырылат.
Бул функцияны колдонууда кээ бир чектөөлөр бар. Бир жолку төлөмдүн минималдуу суммасы 1 сомду түзөт, ал эми бир жолку төлөмдүн максималдуу суммасы 150 000 сом менен чектелген.
Компаньон Банкы өз кардарларына заманбап жана ыңгайлуу банктык кызматтарды көрсөтүүгө умтулууну улантат. Сбербанкка "Компаньон" мобилдик тиркемесинен телефон номери же картанын номери боюнча чыгуучу которууларды ишке киргизүү Банктын кардарларына акча каражаттарын которуу процессин максималдуу жөнөкөйлөтүүгө жана каалаган убакта операцияларды жүргүзүүгө мүмкүндүк берет.
Эскерте кетсек, Сбербанк тиркемеси аркылуу Россиядан Кыргызстанга которуулар да жеткиликтүү. Карталарга жана "Компаньон" тиркемесине которууда комиссия алынбайт.
Кошумча маалымат алуу үчүн Кардарларды колдоо кызматына кайрылыңыздар: 0 (312) 33-88-00, 88 00 (КРнын мобилдик операторлорунан чалуу акысыз)
